Shillong, Naiwieng 27: U Bah kit Nongphlang u wei na ki nongialam jong ka seng samla 
(HMYWO u la ong ba ka seng kam don ei ei ban ong mano ba dei trai ia ka tei ka jaka hynrei kaei kaba ki kwah ban tip ka long ia ka jingshisha halor katei ka jaka.
Haba kren ha u SP News Agency ka long ba ka seng ka kwah ban tip mano ba long trai namar man ba mih ki jingiakajia ha katei ka jaka kum ka seng samla ka hap ban leit beh na ka por sha ka por, lada ki la tip mano ba long trai ka seng ka dawa ia kito kiba kam trai ba kin buh ia ki briew ban ap ha katei ka jaka.
La iathuh ba na ka liang jong u Syiem jong ka hima mylliem u la dep ban ai da ka jingthoh sha ka tnad shangkai pyrthei jong ka sorkar Meghalaya ba kan ai ia ka jingpynshai ha kaba ia dei bad katei ka kam hynrei haduh mynta kim shym la ai kano kano ka jubab.
Katkum ka jingtip kaba la ioh da u SP News Agency ka long ba ha ki por ba ka Ri India ka dang shah synshar ha ki phareng ka don ia ing jong u Lat ka Assam bad ha dien ba la ioh ia ka jinglaitluid jong ka Ri India kane ka iing ka la sah khlem don ba pyndon kam ia ka.
Haduh kine ki sngi ki mawnongrim ha katei ka jaka ki dang don bad ia kane ka jaka kaba la buh jingthoh da ka tnad shangkai pyrthei ban kam trai kumba la iohi ha ki dur la tip ia kane ka jaka kum ka khlieh Riatiapmem.(SP News)
