Shillong, Nailar 22: Ki samla kiba la pass ia ka eksamin jong ka DSC West Khasi Hills mynta ka sngi ki la shim ia ka rai ba kin bteng ia ka jingshah thngan ka jong ki haduh ba da wan u myntri rangbah ka jylla u Dr Mukul Sangma na ri nongweri, la ong u bah J Sohlang president jong ka seng.
Haba kren ha u SP News Agency na Nongstoin, la ong ba mynta ka sngi ki la shim ia ka rai ba kin dang bteng ia ka jingiakhih ka jong ki haduh ba kin da ioh ia ka jingdawa kajong ki ba ka sorkar ka dei ban pynjlan shuh ia ka por jong ka result jong ka DSC West Khasi Hills kaba la pynmih ha u snem 2010.
U Bah Sohlang u la ong ban a ka liang jong ki bor ba dei peit ia ka district mynta ka sngi ki la kyntu ia ki ba kin weng noh ia ka jingiakhih namar ba ka sorkar ka la pynkhreh mynta ban pynjlan ia ka por jong katei ka eksamin DSC jong u snem 2010 hynrei ki dang ap ia ka jingmynjur jong u myntri rangbah ka jylla.
Halor katei ka jingkyrpang na ka liang jong ki bor ba deipeit ia ka District na ka liangjong ka seng kala shim ia ka rai ba ki ruh ki bteng ia ka jingiakhih haduh ba ynd a wan u myntri rangbah ka jylla na Ri Nongwei lane ki lah ban weng ia kane ka jingiakhih tang lada ki ioh da ka jingthoh na u myntri rangbah ka jylla.(SP News)
