Shillong, Nohprah 12: U Deputy Commissioner jong ka South West Khasi Hills u Bah Aldus Mawlong u la ong ba na ka liang jong ka District Adminstration kin trei shitom na ka bynta ban wahrah ia ka jingshong shngian ha ka thain Borsora baroh kawei.
Haba kren ha u SP News Agency u la ong ba ki juh pyn jingtip man ka sngi ha kaba ia dei bad ka jinglong jong man jong katei ka jaka na ka bynta ban tem ia ki kam lehnoh kiba don ha katei ka thain. Ki bor sorkar ki tip ia ka jinglong jingman ha katei ka jaka.
Kum u khlieh jong ka District u ka khot ia ka jingialang kaba kyrpang kumno ban leh na ka bynta ban pynbha ia ki surok ha katei ka jaka namar kumba ka long mynta ka jingsniew jong ki surok ka long kaba la palat na ka daw jong ka jingkit palat pud jong ki trok.
Na ka liang ka jong u la wad ki lad ki lynti kumno ban wanrah ia ki Mobile Tower na ka bynta ban pynsuk iaki briew ha kaba ia dei bad ka rukom phah jingtip ha kaba ia dei bad kino kino ki jingjia ha katei ka thain kumba ka long mynta ka don ka jingeh ha ka liang ka rukom pathai jingtip.
Namar ba ka District kam pat don ia ka ophis jong u District Transport Officer mynta ki dang wad ia ka jingiarap na ki nongtrei jong ka DTO ophis jong ka West Khasi Hills District na ka bynta ban peit ba kumno ban khanglad ia ka jingkit palat pud jong ki trok kit dewiong.(SP News)
