Jowai, Nailur 29: Ka Jaiñtia Youth Federation War Jaiñtia Region (JYF-WJR) ka pynpaw ia ka pynrem jur ia ka MEeCL kaba pynlip light khah khah man ka sngi ha kaba ki khynnah skul kiba dang don ha ka jingpynkhreh ia ka Selection jong ki na ka bynta ban ioh iakhun ia ka Exam Matrik jong ki ka la ktah bha na ka daw jong ka jingtorti palat ka MEeCL.
Ngim tip na kaei ka daw ba ka sorkar jylla lyngba ki nongtrei jong ka kiba dei peit ia ka kam bording ki ialeh aiu man ka sngi haba ka jinglip light khah khah kaba la ktah jur ia ka rukom treikam jong ki ophis,ki skul,bad kiwei kiwei ki bynta ba donkam kum ha ka Typing, Xerox, bad ruh ka tnad MeECL kam shym la shim khia ban peit ia ka jingdonkam ba man ka sngi da ki khynnah skul ha ka ban pule kot ban pynkhreh ia ka jingialeh jong kin a ka bynta ka lawei ba phyrnai jong ka jingstad ong u Ialam G Syngkrem Secretary ka JYF-WJR.
Ka jingpynlut ka sorkar ban tei ia ka Damp ha Leshka Hydel Project da ki spah spah klur tyngka ka la long kamkai bad pynlehrain ia ka jylla namar ka sorkar jylla ngi tip ba ka airam bording ia kiwei pat ki jylla ba marjan kum ka Assam bad Tripura hynrei ia ka jylla Lajong pat shu ia shong ia sah hapoh jong ka jingdum khlem da pyrkhat ia ki ba pli ki khynnah skul la kynthoh shuh shuh u tei u nongialam,
“Ka jinglip light man ka sngi ka dei ka jingshun bad niewbein jong ka MEeCl ia ki khynnah skul kiba dang don hapdeng ka jingpynkhreh ia ka selection Exam jong ki”.
Kumta na ka liang ka Seng ka kyntu ia ka MEeCl ba kan pynbiang noh mardor ia ka jingshai ba ju ioh man sngi khnang ba kan nym thut ia ki khunnah skul pynkut u kyrwoh na u Ialam G Syngkrem Secretary ka JYF-WJR.(SP News)
