Shillong, Kyllalyngkot 07: Ka seng HSPDP ha ka jingiakynduh bad ka Election Commission jong ka Ri India kaba la wan mynta ka sngi ha Shillong ban ia kren ha kaba ia dei bad ka Election kaban long shen ha kane ka jylla Meghalaya, ka la ai ia ka dorkhas ha kaba la buh ia ki katto katne ki kyndon ba ka Ec ka dei ban pyntrei kam.
Ha kane ka jingthoh ka seng ka la dawa na ka election commission ba ka dei ban khanglad ia ka jingpyndon kam pisa ha ka por election bad ban khang ia ka jingpyndon kam da ka bor.
Na ka liang jong ka seng ka la ujor ba ki kor EVM kiba pyndon kam ha ka jingiathep vote ki long kiba sniew bad ia kane la kdew hi wat u ADM jong ka South West Khasi Hills.
Ban iohi ia ki nongmih khmat kiba sngewthuh, na ka liang jong ka seng ka dawa ba ka election commission ka dei ban buh ia ka kyrdan pule bad na ka liang jong ka seng HSPDP kala ong ba u kyrtong ban ia khun ia ka election MLA u dei ban long u ba la pass ia ka kyrdan class XII.(SP News)
