Shillong, Naiwieng 10: Ha ka jingialang jong ka Co-Ordination Committee kaba la long hapdeng ki ar khynhun ki shipai iada khappud hapdeng ka Bangladesh bad India. Na ka liang jong u IG BSF u Sudesh Kumar ba ialam ia ka kynhun na India u la ong ba ki lehnoh ka North East ki don ha ka Ri Bangladesh.
Ha kane ka jingialang na ka liang jong ka Bangladesh la ialam da u Brigadier General Abu Sayeed Khan. Ha kane ka jingialang na ka liang jong ka India ka la ong ba ki seng lehnoh kum ka HNLC, GNLA, ULFA, NDFB, NLFT ki don ia ki ktem jong ki ha ka Ri Bangladesh.
Ha kane ka jingialang na ka liang jong ki BSF ki la ia kren ruh ia ka jingwan rungkyrthep jong ki khar Bangladesh sha India, la iakren ruh ia ka jingker ksainar shniah ha khappud bad ka Bangladesh kaba long 150 kamna u sero point bad bun kiwei ki kam runar kiba jia ha khappud.
Na ka liang jong ka Bangladesh pat ka la kynnoh kylla ia ka India ba bun na ki briew jong ka Bangladesh ki la shah kem ha India bad ki la shah rahbor, na ka liang jong ki BGB ki kwah ba ia kane ka jingleh dei ban sangeh noh.
Ha kane ka jingialang la ia kren ba baroh kin ia treilang ha baroh ki liang ban ialeh pyrshah ia ki kam sinew ha khappud namar kumba ka long mynta na ka liang jong ki BGB ki kynnoh ba ka jingiakhaii tuh ia ki jingdih pynbuaid na India sha Bangladesh ka jyllei bha.
Ha kane ka jingialang la shim ia ka rai ba dei ban ia treilang ha khappud na ka bynta ka jingbha jong baroh ar tylli ki ri namar ha ki kam runar ha khappud baroh ar liang ki ia kunduh ka juh ka jingeh.(SP News)
