Shillong, Risaw 21: U president jong ka Ri India u Pranab Mukherjee haba kren hapoh ka iing dorbar thawain 
ka jylla mynta ka sngi ha kane ka jingwan jngoh kaba nyngkong eh ha dien ba u la shimti ia ka kam u la ong ba “ ka synshar paidbah dei ka jingiamir jingmud”. Ha kane ki don lai tylli ki bynta, ka jingiatainia, ka jingiaphylliew jingmud bad sa shim ia ka rai.
U president u la pynkynmaw ia ka jingiakhih jong u Anna Hansare, na ka liang jong ka sorkar ka la khot ia ka jingiakren bad kane ka kynhun kumba phra sien ei ei bad la ailad ruh ia ki ba kin thoh ia ki kyndon bad ka sorkar ka pdiang, ha ka jingshisha kane umd ei ban leh.
Haba ka don kano kano ka jingeh ka sorkar ka dei ban pliang ia la lad na ka bynta ban ia kren lyngba ka jingiakren lah ban kyntiew ia ka ri sha jrong. U president u la ong ba to ngin ia pynshlur ia ka jingjai jai, kam dei ka jingiakhun markynti, dei ban don ka jingiakren ia sngewthuh ha kano kano ka jingeh. Kum ki nongialam kiba la jied da ki paidbah ki dei ban ialam ia kane.
Ia ka synshar paidbah lah ban pynkhlian da kaba don ia ka iing bishar kaba laitluid, ki laid pathai khubor kiba laitluid bad ki seng bhalang kiba laitluid , haba ka don kano kano ka jingiakren ka sorkar ka dei ban pyrshang ban sngewthuh haba don ba kdew ia ka jingshisha.
U President jong ka Ri India u la kdew ba ka sorkar kan nym lah ban pyndon kam ia ka pisa khlem da pynlait da ka iing dorbar thaw ain, la ka long ha ka dorbar mang tyngka lane da ka jingpan pisa kaba kyrpang. Ki MP, ki MLA kid ei ban sngethuh bha ia kane ban ia kren ia tai namar ka dei na ka bynta ka roi ka par. Kaba sngewsih mynta ka long ba ha ka jaka ban ia kren ia kitei kiei kiei lap miet ban pynklumar hapoh iing dorbar.
U la ong ba ka iing dorbar ka la dei ban shong kham bun sien ban ia kren ia ki kam jong ka jylla, kamd ei ban shong dorbartang mamar ban pyndep ia kaei kaba la buhha ka constitution jong ka Ri. U la ong ba u la iohi ki don ki jylla kiba shong dorbar tang san ne hynriew taiew ha ka shisnem.
Na ka liang jong u president u la pynkynmaw ba kumo laioh ia ka jylla Meghalaya ha kaba ka parliament ka pass ia ka Bill ki nongialam na kane ka jylla ki don bad ap khrui ha ka jaka shong jong ki paidbah, ha kaba u myntri rangbah ba nyngkong ka jylla u Captain Williamson Sangma.
Na ka liang jong u president u la kynmaw burom kyrpang ia u nongialam kane ka jylla kum u Professor G G Swell, PR Kyndiah, P A Sangma, HS Lyngdoh bad khamtam eh ia u Bah J J M Nicols Roy u laba la ia don bynta ha kaba shna ia ka riti synshar jong ka Ri India.
Haba ka pynkut ia ka jingkren jong u president hapoh ka iing dorbar thawain ka jylla Meghalaya Mynta ka sngi u la ong ba “ Nga kwah ban tei ia ka India kaba rit ha ka jylla kaba itynnad”. (SP News)
