Tura, Nailar 17: Mynta ka miet ha ka por kumba 7.30 pm mynmeit ki u wei u lehnoh jong ka kynhun kieng atair Garo National Liberation Militant u ba la set ha Tura jail u ba la shah pyngnat ha ka ain Meghalaya Public Detention Act (MPDA) U Kennedy T Sangma u la laiphet da kaba ot ia ki na rod kiba ker ia ka jaka ba la set ia u.
Na ka liang jong u Superintendent ki pulit jong ka West Garo Hills District u M K Singh haba kren ha u o SP News Agency u la pynthikna ba ka dei shisha ba u tei u lehnoh u la laitphet hynrei ym shym la batai ei ei shuh.
Kat kum ki khubor kiba la ioh na Tura ki iathuh ba ia kane ka jingiasylla ban phet na phatok la leh da ki hynniew ngut ki koidi kiba don hapoh katei ka phatok da kaba ot ia ki jingker nar ha ka jaka kaba la set ia ki. Ha dien ba ki la dep ot u Kennedy u la teh da ka jain siangthiah bad kiew ia ka kynroh bad phet bak a katei ka jaka.
Katba ia kiwei pat ki hynriew ngut kiba dang pyrshang ban kiew ia ka kynroh la ioh ban kem. Ka jingkhynra jong ki pulit ka dang iaid ban thwet ia u tei u lehnoh ba la lait phet mynta ka sngi na katei ka phatok ka jingkylli ka long haduh katno ki nongtrei shong lyngai haduh ban da ot ia ki jingker nar ruh kin ioh sngewshuh.(SP News)
