New Delhi Jymmang 16: kala don ka jinghiar ha ka jingpep skul jong ki khynnah kiba hapdeng ka rta 6 haduh 14 snem ha ka Ri India baroh kawei ha dien ba la sdang ia ka skhim Sarva Shiksha Abhiyan ha u snem 2009.
Katkum ka khubor kaba la phah da ka sorkar lyngba ka PIB ka la kdew bamynta kiba pep skul ka long satang kumba 30 lak na kaba juh long mynshuwa kaba la kot sha ka 80 lak ha ka por bas dang ia kane ka skhim.
Kane ka dei ka skhim jong ka sorkar pdeng bad ka jingthmu ka long ban nym ailad ia ki khynnah hapoh ka 14 snem ka rta ba kin pep skul bad kane ka dei ka hok ka jong ki ba ki dei ban ioh ban pule haduh katei ka rta.
Kumba ka long mynta ka jingdon jong ki khynnah ha ki skul ka la kot sha ka 99.8% bad kane kala wanrah ia ka jingia ryngkat ha ka pule puthi hapdeng ki kynthei bad ki shynrang. Kane ka skhim ka la ai ka jingkyrshah ia palat 20 klur ki khynnah bad kaba kongsan eh ka long na ka bynta ki rit paid.(SP News)
