Guwahati,Naitung 24: U Pravin Togadia jong ka seng VHP’su ba bat ruh ia ka kam international working president u la ong mynta ka sngi ha Guwahahti ba ki khar Bangladesh ki don palat 50 lak ngut ha kane ka ri India.
Kane ka jingeh na ka jingwan jong ki Khar Bangladesh sha India kam dei ka jingma tang ia ka North East ne ka jylla Assam hynrei ka long ia ka Ri India baroh kawei. Ka Ri India kan nym lah ban pdiang ia kine ki 50 lak ngut ki khar Bangladesh.
U Tagodia u la wan sha Guwaha ban wan ia shim bynta ha ka jingialang jong ka National VHP convention kaba la sdang mynta ka sngi bad kan kut ha ka 28 tarik mynta u bnai.
U tei u nongialam jong ka seng VHP u la ong ba ka don ka jingsuba ba ia ka jingpynbethei bom ha Bodh Gaya lah ban dei ki khar Bangladesh namar ki rung lyngba ka jylla Assam bad poi sha katei ka jaka namar wat ha Chennai haba ioh kem ia ki nongtuh ki dei ki khar Bangladesh.
Kine ki poi wir sha kane ka Ri India kam dei ka jingma tang ia ka jylla Assam hynrei ka dei ka jingma ia ka Ri hi baroh kawei, U Togadia u ong ba ka NRC ka dei ban shim ia u snem 1951 kum ka snem ot kyrteng, kumba ka long mynta ka NRC ka shim ia u snem 1971 kumu snem ot kyrteng.
Lada ka sorkar kam leh ei ei ia kane ka jingwan ki poi ei na Bangladesh na ka liang jong ka VHP kam ban se ban pynlong ia ki jingiakhih ha ka ri baroh kawei, la ong u Togadia.
Haba ia dei pat bad u Narendra Modi na ka liang jong u tei u nongialam jong ka VHP ym shym kren ei ei, u la ba ka jingeh kam dei bad u Modi hynrei ka jingeh ka long ka jingwanrung kine ki poi sha kane ka ri India.
Haba ia dei bad ka rukom ker ksainar shiah ha khappud bad ka Bangladesh u la ong ba ka jingker ka long ka bym bha haba ia nujor bad ka jingker kaba la leh sha jylla Jamu bad Kashmir ha kaba ki shipai bad ki BSF ki ap pahahra ia ki khappud.(SP News)
