SHILLONG, Naitung 27: Ka Meghalaya Defense Civilian Workers’ Co-operative Credit Society Ltd. Shillong kala pynlong ia ka jingiakynduh kaba shi sien shisnem bad
kane ka jingiakynduh ka long kaba shiphew bad ia kane ka jingialang la pynlong ha ka Garrison Engineer Shillong (MES).
Haba kren ha kane ka jingialang u , Chief Engineer ba shipor hapoh ka Air Force, Shillong u la kyntu ia ki dkhot kane ka seng ba ki dei ban trei na ka bynta ban ia kytiew para maki kum ka kynhun.
Ha ka jingkren ka jong u la ong ba ha kane ka juk kaba mynta na dong shadong ka la rem lut ka tiar ka tar, dei ha kum kane ka por ba ka seng ka dei ban iarap mar kylliang ban ai ia ka ram na ka bynta ki dkhot la jong.
Ha kane ka jingiakynduh la ia kren ruh ia ka khia ka shon ka jong ki kaba I ia kynduh na ka por sha ka por bad ka jingeh kaba ha khmat eh kaba ki la pynpaw ka long ba palat 98% na ki nongtrei kiba dei ki riew paidbah tang ki trai ha ki tnad shipai kim juh pan ia ka bai dawai.
Ka daw jong ka jingbym treh jong ki ban pan ia ka bai dawai ka long ban lait ia lade na ka jingshah thlia kaba ha rukom na ki briew ki don ha ka uniphom. Ha kane ka sngi kiwei kiba la ia don lang ki long u Col. R Kumar (officiating) Chief Engineer (Army), Shillong, Lt Col. Ashis Dwivedi, Garrison Engineer (AF) Shillong, Major M Khan, Garrison Engineer, Shillong. (SP News)
