Umdohlun, Iaiong 11: Ki paidbah jong ki lai tylli ki shnong , ka Umdohlun, Wahkajii bad Mawthabah ki la ngat ha ka jingjynjar na na ka daw jong ka jinglynshop jong ka Mariang ha ka miet 10 tarik mynta u bnai. Ha kane ka jingwan kyrthep ka lyeriong ka la pynjot palat spah tylli ki iing ki snem.
Katkum ka jingiathuh jong u Bah Hest u la ong ba kane ka jingwan kyrthep jong ka lyer iong ka dei ha ka por shiphew baje ei ei mynmiet, na kitei ki lai tylli ki shnong kiba la shah ktah jur eh ka dei ka shnong Umdohlun ha kaba la jan baroh kawei ka shnong ka la shah jynrat ki iing ki sem ha kane ka miet.
Kane ka jinglynshop jong ka mariang ka la ktah ruh ia ka shnong Wahkaji ha kada da ki phew tylli ki iing ki la jular bad sha ka thain Mawthabah, la ong ba ka jingjulor baroh kan palat ia ka shispah tylli ki tnum iing, la ong ba kat haduh ba pyntip ia kane ka jingjia ym pat lah ban tip la la don ne em kiba mynsaw.(SP News)
