Nongstoin Jylliew 26: Ka Hynniewtrep People Social Organisation West Khasi Hills District kaba long kawei na ki Sengbhalang hapoh jong ka thain ka la ioh ban ia kynduh markhmat bad u Branch Manager jong ka state Bank of India Nongstoin Branch ha ka 22 tarik (sngisaitjain) mynta u bnai ha ka jingiadonlang u President Mr Wanteibok Lyngdoh ha kane ka jingiakynduh la ioh ban ia kren halor ka jingbym don ATM ha Rambrai kaba long kawei na ki thain hapoh West Khasi Hills.kumba long mynta kane ka thain ka don tang kawei ka Bank ia kaba la tip ia ka kum ka Meghalaya Rural Bank.te kane ka jingdon tang kane kawei ka Bank ka shitom ia ki Paidbah jong kane ka thain ban sei pisa lada donkam kyrkieh.kumta na ka liang u Branch u la pynshai bad kaba sngewtynnad ka long ba na ka liang ka jong u.u la kubur ban thaw ia ki lad ban buh ATM noh ha Rambrai khnang kan pynsuk ia ki paidbah jong kane ka thain.
La ia kren ruh halor ka jingud jong ki paidbah haba iadei bad ka jingshah shimkabu ha ki nongdie jingdie ki nongkamai kali kiwei kiwei de tang namar ka jingbymdon pisa khutia ban biah ia u paidbah lada ki leit thied jingthied lane shong kali na ka liang jong u Branch Manager ula pynshai ba na ka liang jong ka Bank ka don ia ki Pisa khutia ka daw ka long tang ka jingbym wan mih sha Bank ban wan shim hynrei na ka liang ka Bank ka kloi ban ai ia kino kino kiba kwah lada ki donkam.kumta na ka liang ka Seng kyntu ia ki nongdie jingdie ki nongniahkali kiwei kiwei de ba kin leit mih sha Bank khnang kan pynsuk ia ki khamtam ia u paidbah jong ka thain pynkut ka kyrwoh na u Mr Phiradaker Marwein Publicity Secretary Hynniewtrep People Social Organisation West Khasi Hills District.(SP News)
