Shillong, Iaiong 08: Ki shipai BSF ha dien ba ki la syntiat bha ki la ioh ban kurup ia u kynja u ba shong dor haduh T.70000 tyngka katba dang thmu ban shallan sha Bangladesh.
Kane ka jingkurup ki BSF ka dei na South West Khasi Hills na ka jaka kaba la tip kum ka Borsora. Ka jingkhaii tuh kam dei tang ia u kynja hynrei ka dei ruh ia ka kyiad bad kiwei kiwei ki dawai pynbuaid.
Ha kane ka jingkurup kynja jong ki BSF kim shym la ioh ban kem iano aino ruh ki la ioh tang ia katei ka tiar dih pynbuaid. Na ka liang jong ki BSF kila kyntu ia u shipai BGB ba kin ia treilang ha kane ka kam ban ia leh pyrshah ia ki kam khaii tuh ha khappud.(SP News)
