Shillong, Naitung 26: Sa u wei u samla na kane ka jylla Meghalaya u Bah Palden Mawroh u ba dei na Nongshiliang Malki u la poi sha ka kyrdan kaba 24 ha ka jingiakop shad Dancing Superstar kaba la pynia paidbah hapoh jog ka channel starplus.
Ha kane ka jingiakhun ha ka jingiakop shad na ka liang jong u Mawroh u la duh jingkyrmen ha kaba u la shah beh na ka jingiakop hynrei na ka liang jong ki nongbishar ki la pynrung biang ia u lyngba jong ka wild Card entry.
Ha dien ba u la ioh ban rung biang ha kane ka jingiakop na ka liang jong u Mawroh u la kham leh bha shuh shuh ha kane ka jingshad jong haduh ba un da poi ha katei ka kyrdan kaba 24.
Ia kane ka jingiakop shad jong u ha ka India’s Dancing Superstar yn sa pyni lyngba ka starplus channel ha ka 3 tarik jong u bnai Nailar, u Mawroh u nang bha ban shad ia ka jingshad ,Contemporary, Ballad bad Ariel.
Ka jingia vote na ka bynta katei ka jingiakop shad kan sdang ha ka 28 tarik mynta u bnai bad kan kut ha ka 3 tarik jong u Nailar jong u bnai ban wan, la kyrpad ia ki paidbah jong ka jylla Meghalaya ba ia vote na ka bynta jong u ha une u number 18001200803 lane ki lah ban vote lyngba ka website www.starplus.in ka jingkyrshan lem jong ki paidbah kan wanrah ia ka jingjop bad ka burom ia ka jylla Meghalaya. (SP News)
