Shillong, Risaw 03: Ka tand political department mynta ka sngi kala pynshai paidbah ba ka sorkar ka da sngewkhia jur bha ha kaba ia dei bad ka jingwan rung ki briew kiba na bar sha ka jylla kumba sngewkhia ki seng bhalang. Ha ka juh ka por ka sorkar ka sngewkhia ia kine ki jingjia kiba la mih na kane ka jingiakhih ha kaba ia dei bad ka jingwan jong ki bar jylla.
Ka sorkar ka la thug ia ka High Level Committee ban peit ia kane ka kam ia kaba la khlieh da 8u Bah BM Lanong u Deputy Chief minister ha katei ka por ryngkat ki myntri sorkar bad ki seng bhalang. Haba la ai ia ka kaiphot sha ka sorkar ka shem ba kane ka kaiphot kam long kaba lah ban pyntrei kam na ka bynta ban iada ia ka jingwan tuid ki briew kiba na bar.
Ban wad ki lad ki lynti kumno ban khanglad ia ki briew kiba na bar ka sorkar ka la thung ia ka High Level Official Committee kaba dei jong ki ophisar ha kaba la khlieh da u Chief Secretary ka jylla ha kaba ki la wanrah ia ka jingmud ban don noh ia ka Meghalaya Regulation of Landlord and Verification of Tenants Bill, 2013 ia kaba la ia kren mynta ka sngi hapoh jong ka Kabinet.
Ha kane ka jingialang na ka liang jong ka cabinet ka la shim I aka rai ban pan jingmud na ki paidbah ha kaba ia dei bad kane ka ain shuwa ba ka sorkar kan khot ia ka jingiashong dorbar kaba kyrpang ban pynlong ian ia kane ka Bill.(SP News)
