Jowai, Jymmang 30: Ka Administrative Officer (AO) jong ka Jaintia Hills Autonomous District Council hadien ba ka la ioh ia ka jingujor na ka AJYWO Sengkmie halor ka jingkam Rangbah Shnong jong uwei u Nepali ha ka jaka ba la khot Umthe kaba hap hapoh jong ka Elaka Sutnga, ka la pan syndon da ka jingpynshai na u Daloi jong katei ka Elaka halor katei ka shnong bad ka jingkam Rangbah Shnong jong u tei u khar Nepali ialade.
Ka AO jong ka JHADC lyngba ka shithi jong ka, dated:Jowai, 30th May, 2014, No: JHADC/POL/9/2014 ia kaba ka la address sha u Daloi jong ka Elaka Sutnga, ka la pan ia ka jingpynshai na u tei u Daloi halor ka jingujor jong ka AJYWO halor ka jingkam rangbah shnong jong utei u wei u Nepali ha ka shnong kaba utei u Nepalai u la ai kyrteng, Umthe, kaba hap hapoh jong ka Elaka Sutnga hi. Ka AO jong ka JHADC ka bthah ruh ia u Daloi jong ka Elaka Sutnga ban ai ia kane ka jingpynshai hapoh 15 sngi naduh ka sngi ba u la ioh ia katei ka shithi.
Kum ban shu pynkynmaw, AJYWO Sengkmie, hapoh ka jingialam u Bah M H Dkhar President jong ka, dang ha 12 tarik mynta u bnai, ka la leit buh ia ka jingujor jong ka ha u Chief Executive Member jong ka JHADC, pyrshah ia uwei u Nepali, u ba kam Rangbah Shnong ia la de jong kawei ka kyntoit kaba la tip kum ka Umthe kaba hap hapoh u pud u sam jong ka Elaka Sutnga.(SP News)
