Shillong, Nohprah 07: ka tnad political Department jong ka sorkar Meghalaya mynta ka sngi ka la pynmih iaka draft kumno ban pyntrei kam ia ka Inner Line Permit ha kane ka jylla Meghalaya baroh kawei shuwa ban leh ei ei ka sorkar ka la kwah ba ki sengbhalang kin ai ia ka jingmud kaba khatduh bad la ai por ia ki ba kin phah ha shuwa ka 10 tarik mynta u bnai.
Na ka liang jong ka Political department lyngba ka shithi sorkar notification No-Pol.161/2012/125 dated 06/12/2012 ka la paw ba na ka liang jong ka sorkar ka la pynkhreh ia kane ka jingthoh katkum ka jingphah jong ka komittee ia kaba la ialam da u Deputy Chief Minister u Bah Bindo M Lanong.
Ha kane ka jingthoh jong ka sorkar ka la paw ba ka sorkar ka long kaba la kloi ban pyntrei kamia ka ILP ha ka jylla baroh kawei.Hynrei shuwa ba kan pynlong ain ia ka ka kwah ban ioh ia ka jingmud kaba khatduh nong ki seng bhalang.
Ka jingdawa ban pyntrei kam ia ka ILP ha kane ka jylla Meghalaya da ki sengbhalang ka dei ka jingdawa kaba la slem bha naduh ki snem kiba la dep bad na ka liang jong ka sorkar ruh ka la thaw ia shibun ki committee na ka bynta kane hynrei haduh mynta ym pat lah ban pyntrei kam ia ka.(SP News)
