Shillong, Jylliew 28: U Chief minister jong ka jylla Meghalaya Dr Mukul Sangma mynta ka sngi u la ong ba ki la ia kren hapoh jong ka Cabinet ia ka jingpan jong ka Meghalaya Electrical Corporation Limited (MeECL) ba kan bahkhlieh ia kane ka corporation na ka bynta T.1400/-.
Haba ia dei bad kane ka jingpan jong ka MeECL na ka liang jong ka cabinet kala rai ban bthah ia ka MeECL ba kan pynkhreh ia ka kaiphot kaba baing bad ban wanrah sha ka committee ban ia kren ia kane shuwa ba ka sorkar kan pdiang ia kane ka jingpan jong ka Corporation.
Naka liang jong u myntri rangbah u la ong ba ka MeECL ka don bun kilad ki lynti kumno ban pynbha ia ka jingtrei kam jong ka ban kham pynbha ia ka jingmih pisa jong ka. Ka MeECL ka ong ba kajingduh jong ka ka long 30% hynrei na ka liang jong myntri rangbah u la ba ka jingduh katei ka Corporation ka kala kot sha ka 40%
Ka Cabinet mynta ka sngi ka la pdiang ia ka rai ban thaw ia ka Meghalaya State Commission on protection of Children Right (MSCPCR). Ha kane ka commission kan kynthup ia u Chairman bad hynriew ngut ki dkhot na kine ki hynriew ngut ar ngut ki dei ban long ki kynthei.
Na ka liang jongka Cabinet mynta ka sngi ka la pdiang ia ka jingpan jong ka Meghalaya Cooperative Apex Bank Limited ba ka sorkar kan long ka nong bahkhlieh naka bynta kane ka bank ba kan shum ia ka ram na ka NABARD T.30 klur ban ai pat sha ki nongrep jong ka jylla. Kane kan long ka jingmyntoi kabas khraw ia ka MCAB bad ha ka juh ka por ka MCAB mynta ka lah ban shim ram na ka NSFDC ban iarap ki rit paid.(SP News)
