Shillong, Risaw 08: U myntri rangbah ka jylla u Dr Mukul Sangma haba jubab ia ki jingkylli ha kaba ia dei bad ka jingiakajia pud hapdeng ka jylla Meghalaya bad ka jylla Assam na ka liang jong u myntri u la ong ba na ka liang jong ka sorkar jylla ka la dawa na ka sorkar pdeng ba ka dei ban buh ia ka Boundary Commission.
Ha ka juh ka por u myntri rangbah u la pyntip hapoh ka iing dorbar ban a ka liang jong ka sorkar pdeng ka la bep bthah ba ia ka jingiakjia pud dei ban ia pynbeit lang hapeng ki ar tylli ki jylla da kaba jai jia bad kaba ia sngewthuh jingmud lang.
La ong shuh shuh ba na ka liang jong ki ar liang ha ka kyrdan Chief Secretary ki la ia kynduh ban ia kren ia kane ka kam bad na ka liang jong ka sorkar Meghalaya ka la dep ai da ki jingthoh ban pynskhem ia ka jingkam ka jong ka sorkar ia ki jaka.
Halor ka jingkylli la ka sorkar Meghalaya ka ia kynduh jingeh ne em ha kaba pyntrei ia ki kam pynroi ha khappud na ka liang jong u myntri rangbah u la ong ba kum kine ki jingeh ki don hating hateng ha ki shnong khappud bad ka jylla Assam hynrei ia kine la lah ban pynbeit.
U myntri rangbah u la ong ba kane ka kam ban pynbeit ia u pud u sam ha pdend kine ki ar tylli ki jylla ka dei ka phang kaba ha khmat eh jong ka sorkar jylla, u la ong u Dr Mukul.(SP News)
Nga ai khublei ia kane ka news agency jong phi kaba la leh ban pynmih khubor haduh katne. Khublei.
khublei shibun bah