Shillong, Nailar 26: ka tnad kam poh iing jong ka sorkar pdeng ka la thoh sha ka sorkar Meghalaya ba ka de ban phah ia ka kaiphot sha ka tei ka tnad kam poh iing jogn ka sorkar pdeng ha kaba ia dei bad ka ktein khasi.
Halor kane ka sorkar jylla ka la phah sha ka tnad Art and Culture Department ba kan pynkhreh ia kane ka kaiphot kaba la pan da ka sorkar pdeng, kane ka jingpang jong ka sorkar pdeng ka long tang ia ka “ Khasi Literary”.
Ka kong M Syiem Director jong kane ka tnad sorkar ka la iathuh ba ia kane ka shithi la ioh pdiang na ka sorkar dang ha kine ki sngi bad na ka liang jong ka ka la pyrshang ban lum ban lang ia ki khraw pyrkhat kiba dei ha ka liang ka thoh ka tor khasi ban ia pyrkhat lang ia kane ka kam.
Haba la kylli hato kane ka dei ka wei na ki bynta ban ioh ia la lad ban pynlong ia ka ktien khasi sha ka eight schedule jong ka riti synhar jong ka Ri India, na ka liang jong ka Director ka la ong ba kam lah ban ong ia kata hynrei kane ka dei ka lad ia ka ktien khasi ba leh se kan poi ha katei ka kyrdan.(SP News)
