Shillong, Risaw 25: Ka kynhun ki khlieh nongsynshar mynta ka sngi ki la aid a ka memorandum sha u mytnri khynnah ka sorkar pdeng u ba dei peit ia ki rit paid ha kane ka Ri India u V Kishore Chandra Deo, Ha kane ka Menorandum na ka liang jong ki khlieh nongsynshar ki la pan ba ia ki Khasi, Garo bad Jaintia dei ban pynrung hapoh jong ka 13th Schedule jong ka Ri India ban ailad ban don ia ka Council jong ki khlieh nongsynsahr khlem da don kano kano ka party.
Kane ka kynhun ka kynthup ia baroh ki khlieh nongsunshar jong kane ka jylla Meghalaya ia kiba la jied da ki paidbah bad ia kane ka rukom ka dei kaba la ioh pateng naduh kip or hyndai hynthai na ki long shuwa.
Na ka liang jong ka GCC ka la kyntu ia u myntri ba u dei ban ia kren lem na ka bynta kane ka kam ban pynrung ha ka schedule kaba 13 ia ki khlieh nongsynsahr jong ki, Khasi, Pnar bad Garo jong kane ka jylla.
Kumba ka long mynta ki don 54 tylli ki hima, 18 tylli ki DoloiShip bad 1400 ngut ki Nokmas ha GaroHills. La ong ba ka jingpynlong ia ka daorbah jong ki paidbah ka long ban pynisha ka Ri baroh kawei ba ka synshar khaddar ha kane ka jylla ka dei ka synshar paidbah kaba khlem don seng sain pyrthei.
Ha kane ka jingthoh kaba la ai sha u myntri ka sorkar pdeng la kdew ruh ia ka jingialeh ka jong ki bad kumno kane ka la poi sha ka tyngong skhor jong ka Sonia Gandhi bad kiwei kiwei ki nongialam jong ka sorkar pdeng. (SP News)
