Shillong, Iaiong 07: Ka Khasi Hills Autonomous District Council ka la rai hapoh jong ka Executive Committee kaba dang shu long dang shen ba kan pan por shuh na ka sorkar jylla ha kaba ia dei bad ka jingkwah jong ka sorkar pdeng ban pynkylla ia ka Sixth Schedule.
Na ka liang jong ka KHADC ka tip ba ka sorkar ba la buh da ka sorkar pdeng ba ka san tarik mynta u bnai kan long ka sngi kaba khatduh hynrei na ka liang jong ka Council ruh ka don la ki jong ki jingeh namar ka don ka MLA Election ha kaba da ki phew ngut ki MDC ia ki khun ia ka MLA election.
U Bah Titus Chyne u wei na ki Executive Members hapoh ka KHADC u ba long ruh u nongialam jong ka UDP u la pynthikna ba ka Council ka la shim ia ka rai ban thoh sha ka sorkar jylla ban pan por shuh ban ialad ia ka KHADC ba kan nym lah ban ai ia ki jingmud ki jong ka ha kane ka jingthmu ban wanrah ia ka jingkylla ha ka Sixth Schedule.
Katkum ki jingtip kiba la lah ban ioh la ong ba ki ar tylli ki District Council ka JHADC bad ka GHADC ruh kim pat lah ban phah ia ka jingai jingmud ka jong ki.(SP News)
