Shillong, Nohprah 14: Ka dorbar ba kyrpang jong ka KHADC mynta ka sngi ka la pdiang ia ka Bill phiah constituency thymmai, ia kane ka bill la pass hapdeng ka jingiapyrshah kaba jur na ka liang pyrshah khamtam eh ki MDC jong ka party KHNAM. Ia kane ka bill yn phah sha u Lat ka jylla ban ioh ia ka jingmynjur ka jong u.
Ki MDC jong ka party KHNAM ki la pyrshah jur ia kane ka jingkhot ia kane ka dorbar kaba kyrpang, kila kylla da kaba ong baei ka jingdon kam kyrkieh ban khot ia kane jingshong dorbar namar kane ka jingkhot ka long na ka bynta ka jingmyntoi jong ki politician.
U Bah Carmel Sohtun MDC jong ka Laitkroh u la tar ia kane ka bill mynta ka sngi ha poh ka iing dorbar da kaba ong ba ka dei ka bill kam kai suda kaba khlem burom ia ka sur jong u paidbah, Ki MDC jong ka KHNAM baroh ki la ujor ba ki khlem ioh ia ka jingpyntip na ka iing dorbar ba kan don kane ka jingshong dorbar kaba mynta hynrei ki la shu ioh da ka SMS ha ki mobile jong ki.
U Bah Latiplang MDC jong ka Nongthymmai u la ong hata la ioh ne em ia kane ka jingmynjur jong u Lat ban khot ia kane ka jingiashong dorbar kaba kyrpang, U Bah Fabian Lyngdoh Chairman jong ka iing dorbar u la ong ba lada palat ia ka 20 ngut ki MDC ki soi ban khot ia ka dorbar ba kyrpang yn don kam ban ioh ia ka jingbit jong u Lat.
Na baroh ar liang jong ka iing dorbar ki MDC ki la ia kren la ka jong ka jong ka jinglap ka jong ki ia ka kaiphot jong ka Dilimitation Committee bad ki la lap ba ka don shibun ki jingthud bad ki jingdkoh ha kane ka kaiphot. Na ka liang jong u CEM barim u Bah Manstudy Nngrem u la ai jingmud ba ia kine ki jingduna dei ban aiti ha ka iing legislative ba kan pynbeit
Haba ka iing dorbar ka la mynjur ia katei ka jingai jingmud na ka liang jong u CEM jong ka KHADC u Bah P N Syiem u la pan ia ka jingmynjur jong ka iing ban pass ia kane ka Dilimitation Bill 2013 ha kaba ka iing dorbar ka la pdiang da ka voice vote. (SP News)
