Shillong, Kyllalyngkot 02: ka liang pyrshah hapoh ka iing dorbar jong ka KHADC mynta ka sngi kala leit ban ia kynduh ia u Lat jong ka jylla u Dr K K Paul ban wad jingshai na u ha kaba ia dei bad ka Bill phiah constituency jong ka KHADC ia kaba la pynlait da ka iing dorbar ha u bnai ba la dep.
U working president jong ka KHNAM u bah Adelbert Nongrum haba kren ha u SP News Agency ha dien ka jingiakynduh bad u Lat ka jylla u la ong ba ha kane ka jingiakren na ka liang jong u Lat u la ong ba ha duh mynta ym pat ioh ia kane ka Bill na ka sorkar bad ynda u la ioh.
U Bah Nongrum u la kren shai kdar ba kim pyrshah ia kata ka jingpynkha constituency shuh shuh hynrei kaei kaba ki pyrshah ka long ka jingpynduhnoh ia ka Laitkroh constituency. Kane ka jingleh ka dei tang ka buit jong ki katto katne ngut ki MLA kiba ialeh kai bad ki paidbah.
La ong ba ka KHADC ha jingkwah ban kylla ia ka sixth Schedule da ka sorkar pdeng ka la pan shuh sa 20 tylli ki constituency lada ka long ha kane ka rukom ba lei ban pynduh noh ia kawei bad pynmih da kawei ia kane ka jingleh ym nym lah pdiang, la ong u Bah Nongrum.(SP News)
