Shillong, Iaiong 20: U Speaker jong ka iing dorbar thaw ain ka jylla Meghalaya u AT Mandal haduh kine ki sngi ym pat lah ban ai ia ka rai ha kaba ia dei bad ka kam nongialam liang pyrshah hapoh ka iing dorbar thawain ka jylla Meghalaya.
Katkum ki lad khubor kiba la ioh da u SP News Agency ki iathuh ba ka shim jingeh ia u speaker ban shim rai na ka daw ba ka rule ka kren shai kdar ba dei ban don 10 ngut ki MLA na kawei ka seng sain pyrthei ha kane ka iing dorbar kaba 60 ngut ki MLA.
Ka jingthaw ia ka Meghalaya People Front (MPF) ka long ha dien ba la pynbna ia ka result election MLA, kam shym don kata ka jingiateh lok hapdeng ki seng sain pyrthei shuwa ka election kane ruh ka la dei kawei na ki daw kiba la pynlong ban buh ia spekar ha ka jingeh ban shim ia ka rai ban ithuh ia u nongialam ka liang pyrshah hapoh ka iing dorbar.
Kumba ka long haduh mynta ka jylla Assam ruh ka ia kynduh iakane ka juh ka jingeh ha kaba ka iing dorbar thaw ain jong ka jylla Assam kam shym la don ia u nongialam ka liang pyrshah.(SP News)
