Shillong, Risaw ,11;Ka Meghalaya Pradesh Congress Committee kila ia shong pyrkhat mynta ka sngi bad ban ia peit ia ki application jong ki kyrtong kiba kwah ban ia aireng haka MP elekshon ban sa long ha u snem 2014 na ka bynta ka 1-Shillong bad 2-Tura parliamentary seat.
U president jong ka MPCC u Bah DD Lapang haba kren ha u SP News Agency u la ong ba ka jingiahsong pyrkhat kam jong ka MPCC mynta ka sngi ka long tang ban ia bihsar bnaih ia ki application jong ki kyrtong na kine ki ar tylli ki parliamentary Seat.
Ki Khubor kiba ia jan bad ka seng Congress ki iathuh ba na ka 1-Shillong Parlimentary Seat ki don saw ngut ki kyrtong, u Bah Vincent H Pala u ba dei u MP ba mynta, u Bah OL Nongtdu , Bah Charles Pyngrope speaker ba rim ka jylla bad u Bah John Kharshiing.
Katba na ka bynta ka 2-Tura Seat ki don baroh khyndai ngut kiba pan tiket bad na pdeng jong kiba kham paw ki long u myntri ka tnad ialehkai u Zenith M Sangma, u MLA jong ka Salmanpara u Winnerson D Sangma lem bad kiwei.(SP News)
