Umroi, Rymphang, 07: Ka Umroi Constituency People’s Front (UCPF) mynnin ka sngi ka la pdiang burom ia u Bah Lumkamai Nongrum uba long u nongialam barim jong ka Umroi Block Congress Committee (UBCC)
Ha ka jingialang kaba la pynlong ha iingsah jong u Bah MD Syiem, uba iakhun na ka Umroi Constituency kum u kyrtong shimet ha kane ka election MDC ka ban sa long, u Bah Lumkamai u la pynpaw ka jingangnud ban wanrah ia ka jingjop ba donburom ia u Bah MD Syiem.
U la ong, “nga la mih noh na ka Congress wat lada nga la trei shitom ban pynjop ia u bah Ngaitlang Dhar kum u MLA ha u 2013. Hynrei, khlem da pyrkhat ia ki jingmyntoi shimet, nga la mih noh namar nga iohi ba la kawei jong u paidbah ka don ha ka umdum lada iaineh bad ka seng Congress”.
U Bah MD Syiem, u la pdiang da ka jingsngewbha ia u Bah Lumkamai bad u la pynpaw ia ka jingsngewnguh ia u namar ba u la wan khlem da buh kano kano ka kyndon bad ka mynsiem ba shynrang jong u, ban wan sha khmat kum ha kane ka kynti khnang ban pyneh ia ka rngiew jong ka Umroi Constituency. (SP News)
