Shillong, Naitung 05: Ka dorbar ba kyrpang jong ka Khasi Hills Autonomous District Council (KHADC) kaba la khot kyrpang mynta ka sngi ban ia kren ia ka Khasi Hills Autonomous District Council (Constitution of the District Council) (Amendment) Rule, 2013.
Katkum kane ka bill kaba la pdiang da ka iing dorbar jong ka KHADC mynta ka sngi, ka Liatkhorh Constuency kan nym donshuh hynrei la jer kyrteng ia ka kum ka Langkyrdem/Laitkroh constituency bad ha ka jaka jong ka Laitkroh ka la mih ka Umsning Constitunecy kaba hap hapoh jog ka Ri Bhoi District.
Katkum kane ka bill, la iohi ba na ka liang jong ka Executive Committee kaba la ialam da u Bah P N Syiem ka la shim ia ki shnong ki thaw katkum ka jinglong jong ki District. Hapoh jong ka KHADC ka District kaba la mih thymmai ka dei ka South West khasi Hills bad ki shnong baroh kiba hap hapoh jong ka tei ka District la pynwan dur katkum ka District.
Haba shim ia ka 12-Mawsynram Constituency ki shnong kiba hap hapoh jong ka Mawkyrwat mynshuwa kum ka thain sawsynper mynta kin hap noh hapoh jong ka Mawsynram namar katei ka jaka ka la hap hapoh jong ka East Khasi Hills.
Haba shim pat ia ka 27-Nongstoin constituency ki shnong kiba hap hapoh jong ka South West Khasi Hills ka weng noh bad la pyniasoh bad ka 26-Langrin Constituerncy.(SP News)
