Shillong, Lber 25: katkum ka jingbthah jong ka elelction commission jong ka Ri India, ia Income Tax Department kan peit bniah bha ia ka jingtyllun ka pisa ha kane ka por elelction, lem bad ia kiwei kiwei ki tiar kiba lah ban pyndon kam ha kaba khring ia ki nongthep vote.
Na ka bynta kane ka kam na ka liang jong ka IT Department ka la buh ia ka jaka ba ki paidbah ki lah ban phah ia ki jingujor ka jong ki lada ka don kano kano ka jingsuba bad ka complaint monitoring cell bad u number u ba lait ei ha kaba kan nym don kano kano ka jingktah ia kiba pyntip bad u number u long, 18003453619.
La ong ba lada don ba tip ia ka jingtyllun jong ka pisa ha kane ka dong shatei lam mih ngi jong ka Ri India lada ka dei kaba bun bah, kiba tip ki lah ban phone sha u tei u number uba la buh na ka bynta jong ki paidbah, kane ka long katkum ka khubor kaba la phah na ka PIB.(SP News)
