Shillong,lber,19: Ki khadlai tylli ki sengbhalang ki la dep phah ia ka shithi sha ka sorkar ha kane ka taiew ba la dep ba ka sorkar ka dei ba kan khot iakren noh ia ki halor ka ILP namar kane ka long ka mat kaba kongsan eh ia kaba kine ki sengbhalang kila dawa na ka sorkar mynta la kumba san bnai ei ei.
U bah Daneal Khyriem president jong ka KSU haba ia kren bad ki nongthoh khubor u la ong mynta ka sngi ka long ba ki kwah ban pynsngew ia kane ka mat ha kaba ia dei bad ka ILP.
Ha kajuh ka por u la ong ruh ba kine ki sengbhalang ki la kwah ba ka sorkar kan pynskhem noh ha ka jingpyntrei kam ia ka ILP namar mynta la katno bnai ki la iai shah bad bun na ki paidbah ruh ki la ia ud ha kaba iadei bad kane ka jingpynslem jong ka sorkar.
Kane ka jingia khih na ki seng bhalang ha kaba ia dei bad ka ILP ha kane ka jylla ha u snem 2013 kala neh kumba saw bnai lynter bad ha dien ba ka sorkar ka la pynjem na ka liang jong seng bhalang ruh ki la pdiang ia ka jingiakren bad mynta kane ka kam ka dang sah pongdeng khlem pat lah ban rai bad kine ki seng bhalang mynta ki kwah ba ka sorkar ka dei ban khot noh ia ka jingiakren.(SP News)
