Shillong, Nohprah 15: Ka Dorbar Ki Khlieh Nongsynshar, ka la phah ia kane ka khubor sngewlem mynta ka sngi 16 December 2013, sha ka iing ka sem jong u President Nelson Mandela (Madiba) u President barim jong ka Ri South Africa, ia kaba ka jingleit ontep ia u ka long mynta ka sngi 16th December 2013, ha Quno, South Africa.
Ha ka kyrteng jong ki paidbah jong ka jylla Meghalaya, ka The Grand Council of Chiefs of Meghalaya, (comprising of the Federation of Khasi States, Ka Dorbar Ki Khlieh Nongsynshar ka Ri Hynniewtrep, Ki Sirdarship, Ka Dorbar Ki Dolloi, and Council of Nokmas) na Ri Lum North East India, ngi phah ia kane ka khubor sngewlem halor ka jingkhlad noh jong u President Nelson Rolihlahla Mandela (Madiba) u President barim jong ka Ri South Africa.
U Nelson Mandela( 18, July 1918 – 5 Dec, 2013) – uba juh khot ieid Madiba (kaba dei ka kyrteng jong ka jait kur) u long uba la ai mynsiem ia ngi ban ialeh da ka lynti jong ka jingiakren, ka jingiasuk bad ka jingiamap mar kylliang ( path of peace and reconciliation) U la long shisha uwei na ki riewkhraw uba khatduh ha kane ka spah snem.
Ka jingim kaba 95 snem jong u Madiba, ki nuksa kiba u ai ha ngi kin long ki jingpynkynmaw ia ngi baroh ia u soh jong ka jingtrei mon sngewbha na ka bynta kiba duk ba shitom, kiba shah leh bein bad kiba shah pynduh ia ka ka Hok Longbriew.
Ngi buh ki jingduwai na ka bynta jong phi bad ka iing ka sem jong phi ha kane ka por kaba sngewsih. Khublei leit suk Madiba.
Kum ban shu pynkynmaw, ka Dorbar Grand Council of Chiefs of Meghalaya, ha ka Dorbar Ri –People’s Parliament, kaba lai kaba la long ha Asanangre, West Garo Hills, Meghalaya, ha ka 14th November 2011, ka la pynkup burom ia u da ka khusnam 3rd Peoples Parliament Global Award ia utei u riew khraw na ka bynta ka jingshlur, ka jinglen ialade, bad na ka bynta ka Hok Longbriew kiba u la ieng skhem. (SP News)
