Shillong, Risaw 11: Ka kynhun nongkhai na ka ri Czech Republic jong ka Dewbah Europe hapoh ka jingialam jong u Radek Braum myntri khynnah ba dei peit ia ka tnad rep jong katei ka ri ha dien ba la dep ia kynduh ia u myntri rangbah jong ka jylla U Dr Mukul Sangma kila ia kynduh pat ia ki nongkhaii jong ka jylla Meghalaya bad Assam.
Ha kane ka jingiakynduh bad kine nongkhaii jong ka jylla Meghalaya bad Assam,na ka liang jong u myntri khynnah jong ka Ri Czech Republic u Radek Braum u la iathuh ba ka jingia kren bad ki bor sorkar ka long kaba seisoh bad na ka liang jong u la khot ia u myntri rangbah ka jylla ba un leit sha katei ka ri jong ki ban peit ha kiei ki bynta ki lah ban ia treilang.
Ha ka jingkren jong u nongrah ktien katei ka ri sha India u M Stasex, u la ong ba ka ri jong u ka kwah ban ia trei lang bad kane ka jylla ha ki ba bun ki liang bad ka kwah ban ia treilang lada kalong ha kaba ia dei bad ka kam dewiong, kane ka long ka jingkren ha kaba katei ka ri ka phai khmat sha ki par dewiong jong ka jylla Meghalaya.
Ha kane ka jingiakynduh lang bad ki nongkhaii ka jylla bad ki nongkhaii na katei ka ri, na ka liang jong ki nongkhaii katei ka ri ki la pyni ia ki kam kiba ki trei bad lada don kiba kwah ban ia treilang na kane ka jylla ki long kiba la kloi ban ia shnoh kti ha kaba kin pynbiang ia ki mashin khamtam ha ka liang jong ka rep ka riang.
Na ka liang jong ka sorkar Meghalaya la kren da u Principal secretary ka tnad rep u Bah P Kharkongor, ha ka jingkren ka jong u la ong ba ka Meghalaya kumba ka long mynta ka pynmih ia bun ki jaid soh bad ki mar rep kiba duna ha ka jingpyndon kam ia ki dawai. Bad kaba sngew tynnnad ka long ba ia u sla sha ba pynmih na kane kajylla ka khien ba u dei u sla sha ba pynkhlem pyndon ka dawai.
