Shillong Jylliew 17: U myntri ba dei peit ia ka tnad pynroi nongkyndong u Bah Prestone Tynsong u la ong ba kane ka tnad kaba u bat mynta kan phai khmat kyrpang sha ki nong kyndong kumno ban pynioh ia ka pain khana man ka thliew iing.
Haba ia thuh ha u SP News Agency u la ong ba ka skhim “ Total Sanitation Campaign” kaba la pyntrei da ka tnad sam umbam umdih ha kane ka jylla kam nym lah ban pynioh iaka painkhana kaba biang namar ka dor ka rit palat.” Dei ha ka por jong nga ba nga dang bat ia ka tnad sam umbam la pynkiew ia ka jingai jingiarap hynrei kane ruh kam dap”.
Na ka liang jong ka sorkar ka iohi ba ki nongkyndong ki shem jingeh ha kaba leit painkhana bun na ki ki leit sha ki khlaw kiba ha jan jong ka shnong bad kane ka wanrah ia ka jingjaboh ha ki tyllong umbam umdih bad ka wanrah laiphet jai ki jingpang.
Na ka liang jong ka tand pynroi nongkyndong ka dang peit bnaih ban wan rah ia ka jingkhien kaba biang ba ki paidbah ha ki nongkyndong kin ioh ia ka pain khana ka jong ki ha man la ki thiew iing bad kane kan iarap ia ka jingkhuid jong ka shnong ksa thaw bad ki tymen ki kro kin nym shym jingeh ban leit sha bar khatam ha ki pot lyiur.(SP News)
