Shillong, Naiwieng 11: Ka Balang katholik ha kum une u bnai man u snem ka juh pynlong ia kane ka Eukharis Prosesion ha iing mane bah jong ka Parsih Laitumkhrah, kane ka long ba ha kum kane ka sngi ki pynisha ka pyrthei ia ka jingiatylli kawei ha ka niam ha kaba baroh ki long kawei ha u Trai Jisu.
Ia kane ka sngi kaba khraw ha ka por mynstep la pynlong ia ka mass ba khuid da u Arch Bishop Rev Dominic Jala lem bad ki lyngdoh baroh kiba la ia poi ha kane ka sngi na baroh ki shnat niam. Jong ki lai tylli ki jylla niam ka Shillong Arch Diocese, ka Jowai bad ka Nongstoin Diocese.
Haka por shiteng sngi pat ka la don ka jingiaid proseshon ha kaba la sdang na Lum Kalbari bad iaid saw dong ka Laitumkhrah ha ryngkat ki jingrwai bad ki jingduwai na ki paidbah jong ka Niam Katholik bad ia ka jingle niam la pynkut da ka jingkyrkhu na ka sacrament.
Kane ka jingiaid proseshon mynta u snem ka long kaba kham kyrpang namar la buh kyrpang ia kane ka snem da ka Vatican kum ka snem jong ka jingphla ia ka ka jong ka jingngeit.(SP News)
