Shillong,kyllalyngkot 04: Mynta ka sngi ka Dorbar Shnong Mission ka la plie pyrda ia ka jingdap shispah snem jong ka Combined Amateur Club (CAC). Ia kane ka klob la seng naduh u snem 1900-1910 bad ka la ioh ia ka jingithuh ba pura kum ka club ha u snem 1913.
Ha kane ka jingrakhe ia kane ka jingdap ba shispah jong ka CAC la plie da u Tymmen basan u bah WR Laitphlang ba la sakhi lang ki nongkitkam ka shnong, ki samla, ki khynnah bad ki riew rangbah.
Shwa ban pynbna ia ka jingplie ia ka jingrakha dap shispah snem jong kane ka klob, u Tbn Laitphlang u la ong ba ka CAC ka don ka khana kaba khraw bha ha ka. “Kane ka jingrakhe ka long ban pynmih ia ka lyer jong ka histori ka CAC ban kynmaw tympang ia ki kam bad kiba don bynta ha ka”, la ong u tbn Laitphlang.
U la ong ba shispah snem ha ka jingiaid lynti, ka klob ka la iakynduh shibun ki erlang thari bad ki er batemon batesi kumjuh.
U la pynkynmaw ia ki jingjia bad ka jinglong ha kane ka shnong kaba la mad ia ka jingkylla bapher bapher haduh kane ka khyllipmat ba mynta naduh kitei ki snem.
Nalor bun ki jingjia, u la pynkynmaw ba kane ka klob ka la wanrah bun ka jingjop ha ka jingialehkai kum ha ka phutbol, bad ka don bynta ruh ban pynlong ia ki jingialehkai ha ka shnong.
La pyniaid ia kane ka jingialang da u rangbah shnong ka Mission Bah G Basan, ba la don lang u convener ka working committee Bah Donkupar War, ka MLA ka thain Kong Roshan Warjri, u MDC Bah James Ban Basaiawmoit, nalor kiwei de. La pynshongshit da ka jingpyni sap bad ka jingrwai na ki samla kane ka shnong. (SP News)
