Shillong, Jymmang 24: U Bah BPO Warjri Additional Chief Secretary ka jylla Meghalaya ba dei peit ia ka tand Soil and Water Conservation Department,mynta ka sngi u la plie ia ka ia ka jaka pynlang um ia kaba la ai kyrteng ka “Umsaw Multi Purpose Water Harvesting Structure”.
Ia kane ka jaka pynlong um la shna ia ka dam um ha ka wah duit ha Umsaw da ka jingbei pisa na ka tand ppynnsah pynsah ia ka khyndew. Ka jingheh kane ka dam um ka long kumba shi hectare ha ka jinglut kaba 27 lak tyngka na ka skhim ia kaba la tip kum ka Sohra Plateau.
Ha ka jingkren ka jong u kum u kongsan ha kane ka sngi u la ong ba kumno ban kumnai bad ban pynneh pynsah ia ka um kaba wan na u slap ia kane ka skhim la pyntrei lyngba ka tand pynneh pynsah khyndew jong ka sorkar bad da ka jingdon ia kine ki jaka ban den ia ka um kan iarap ban pynioh biang ia ka mariang kaba jyrngam.
Na ka liang jong u Bah Warjri u la kyrpad ia ki khynnah bad ia ki long kmie long kpa ba kin ai ka jingiatreilang bad ka sorkar na ka bynta ban pynneh pynsah ia ka mariang ha ka thain Sohra na ka bynta ka jingmyntoi jong ki pateng ban dang wan.
Ha ka jingkren jong u Director ka tand Soil and Water Conservation,u Bah D. Langstieh u la ong ba ki briew mynta kila sdang ban sngewthuh ia ka jingkor dor jong ka mariang bad mynta kila sangeh ka jingthang pathar ia ki khlaw ki btap, ban ia da ia ka mariang lah ban leh tang da ka jingia treilang bad ki paidbah.(SP News)
