Shillong, Jylliew 10: U myntri ba dei peit ia ka tand khlaw jong ka sorkar jylla u Bah Prestone Tynsong mynta ka sngi u la plie ia ka MHIS hapoh jong ka Pynursla Blcok Development Block. Ha kane ka sngi da ki spah ngut ki briew kila wan ban shim ia kane ka jingmyntoi kaba ka sorkar ka la plie na ka bynta jong ki paidbah.
Na ka liang jongu myntri u ba dei ruh u MLA jong kane ka jaka u la ong ba ki ophisar kiba dei peit ia kane ka skhim ki dei ban da pynshai bha sha ki paidbah ia ki kyndon kiba don hapoh jong kane ka skhim khnang ba ki paidbah kin nym sngewthuh bakla.
Haba kren ha u SP News Agency u la ong ba kane ka skhim long ka jingmyntoi na ka bynta jong ki paidbah, hynrei ki don ki katto katne ki bynta kiba na ka liang ka sorkar ka dang hap ban wanrah jingkylla na ka bynta ka jingbit jingbiang jong ki paidbah.
Bun na ki paidbah haba ki pang ki shitom ki leit sha ki jaka ai jingsumar jong ki riew shimet , hynrei kumba ka long mynta ka Woodland Hospital bad ka Bethany Hospital kim treh ban ia treilang namar ki don ki bynta ha kane ka skhim kaba ka jingmang pisa kam kot ia kaei kaba kitei ki hospital ki shim dor.
Naka liang jongu myntri u la ong ba ka sorkar ka imsngi ban peit naka bynta jong kipaidbah bad leh shen kin sa ia kren ia kane ka kam khang ba ki paidbah kin ioh ia ka jingmyntoi. Kane skhim ka don ka jingbei pisa kaba ar bynta kawei na ka sorkar pdeng kaba T.30000/- tyngka bad ka sorkar jylla ka bei T.1,30000/- tyngka. (SP News)
