Shillong, Nailur 03: U Bah Sniawbhalang Dhar myntri ba dei peit ia ka tand ka thew ka who mynta ka sngi u la plie ia ka Standard Laboratory kaba dei jong ka tnad ka thew ka who jong ka sorkar Meghalaya.
Haba kren ha kane ka jingialang u Bah Dhar u la ong ba ki paidbah haba ki kwah ban thied ia ki tiar ki tar ki kwah ban ioh ia ka jingthew kaba biang bad kaba pura khlem da don kano kano ka jingduna, ka dei ruh ka hok jong ki paidbah ban ioh ia ka jingthew kaba biang.
U Bah Robinus Syngkon, Parliamentary Secretary haba kren ha kane ka jingialangu la ong ba kane ka tnad sorkar kam dei tang ba ka peit ia ka thew ka who hynrei ka don ruh shibun ki lad jingiada ia ki paidbah ia ka hok jong ki nongthied.
Ha ka jingkren jong u Chief Secretary ka jylla u la ong ba ka dei ka kam jong ka ne ka tnad ka thew ka who ban pyntrei kam ia ka Legal Metrology Acts bad ka sorkar pdeng ka pyntrei kam ia kane ka ain.
Ha kane ka sngi ki la don ruh shibun ki rang bah shnong kiba la ia don lang ban sngewthuh ia ka jingtrei kam jong kane ka tnad sorkar bad kumno ba ki paidbah kin ioh ia ka jingda na ka jingshah leh thok ha ka thew ka who.(SP News)
