Plie u Dr Mukul ia ka FHWTS hostel, academic block, NRHM ha Romngkhon

TURA,01^st Nailur: U myntri rangbah ka jylla u Dr Mukul Sangma u la plie ia ka hostel jong ki kynthei kaba dei jong ka “Female Health Workers’ Training School”  (FHWTS) ha Rongkhon. Kane ka jaka ka dei kaba ka sorkar ka la pynbiang ia ki kor ki nor bad ka jinglut na ka bynta kane ka la kot sha ka T.2.29 klur na ka bynta ka hostel bad ki mashim kiba don kam.

Ha ka jingkren jong u myntri rangbah u la ong ba ka thong kaba ka sorkar ka buh ha khmat eh ka long ha ka liantg ka koit ka khiah bad ka jingpule pithi. U myntri rangbah u la ong ba bun sien ka daw jong ka jingiasngewthuh ba ka la loang namar kam biang ha ka rukom ai jingtip.

U Dr Sngma u la ong ba ha ka por ba pyntrei kam ia ka MHIS ka la don shibun ki jingkynthoh bad ki jingkynnoh. Na ka liang jong u myntri rangbah u u la ong ba ka don ka por ha kaba pyntrei kam ia ki skhim ki don ki jingdkoh hynrei ka sorkar ka kloi ban pynbeit ia ki jingbakla ban pynbha shuh shuh ia ka jingtrei kam.

Ha ka jingkren jong u Joint Director C J M Sangma u la ong ba ka jingai jingsumar sha Garo Hills la ong ba FHWTS, la sdang ha u snem  1963 bad naduh katei ka por ka la sdang ka jingshahkri ia ki paidbah katei ka thain.

Kiwei kiba la kren ha kane ka jingialang ki long u  Parliamentary Secretary, Noverfield R Marak, West Garo Hills Deputy Commissioner Pravin Bakshi bad u  Principal FHWTS, Rongkhon, Smokegreen R Marak. (SP News)