Jowai, Risaw 05: U lat jong ka jylla Meghalaya, Dr. K.K Paul, mynta k
a sngi u la plie ia ka Ialong Park kaba don ha West Jaintia Hills District kaba long ka wei na ki jaka jngohkai sha ki nongkyndong.
Ha ka jingkren jong u Lat ka jylla u la ong ba ka khlaw ka dei ka jingai jong u blei, kumta don kam ban iada ia ki. Ka long kaei kaei kaba don kam ban pynneh pynsah ia ka jingjyrngam jong ka mariang. U la ong ba u kwah ban iohi ba ki nongjngohkai pyrthei kin wan sha katei ka jaka.
Ha kane ka sngi na ka liang jong u lat u la leit ban jngoh ia ka Durga Temple bad ki mawbynna kiba don ha ka shnong Nartiang. Ha kane ka sngi ki la don ki jingshad tynrai na ka shnong owai, Nongtalang, Shangpung, Raliang, bad Ialong kane ka la pynphuh shuh ia kane ka jingsngi sah kynmaw.
Kiwei kiba la ia don lang ha kane ka sngi ki long u Bah Sing Mulieh, Ex-MLA, u T.T.C, Marak, IFS, Principal Chief Conservator of Forest, ka sorkar u P.S Dkhar, Deputy Commissioner, West Jaintia Hills, District, Jowai u la ai ia ka ktien ai khublei.(SP News)
