Shillong, Jymmang 29: U myntri ka tnad ka koit ka khiah u Bah A L Hek mynta ka sngi u la plie ia ka jingialang ba shisien ar snem jong ka seng ki samla pule Nurse, ia kane ka jingialang baa r sngi la pynlong da ka Trained Nurses’ Association of India (TNAI).
Haba kren kum u kongsan ha kane ka sngi na ka liang jong u myntri u la ong ba ka kam nurse ka long kaba kongsan haduh katta katta namar ki sumar ia kiba pang ba shitom. U ong ba kane ka jingai jingsumar sha baroh ki briew ka dei ka kam kaba khraw.
Ban trei ha kane ka ka kam ka long ka jingaiti lade bad ka mynsiem ban shakri lem para briew. U la ong ba ka ka roi ka par ka long ha ka jingnag jingstad ka ha ka jingdon ia ka koit ka khiah.
Kiba la ia poi sha kane ka jingialang ki long u Dr. W. R. Kharshiing, Managing Director, Woodland Nursing Institute, Dr. A. G. Ahangar, Director, NEIGRIHMS, Ms. J. F. Balieh, President TNAI, Meghalaya State Branch, Ms. E. Pyngrope, State SNA Advisor bad ki samla pule Nurse.(SP News)
