Tura, Nailur 03: Ia ka “Eco Fish Hatchery” kaba hap hapoh jong ka r Meghalaya Sta
te Aquaculture Mission, la plie mynta ka sngi da u myntri ba dei peit ia ki kam bor dingha ka jylla u Clement R Marak bad kane ka long ka jaka pynkha dohkha kaba nyngkogn eh ha Ri Lum Garo.
Ia ki khai rit kiba yn sa pynkha ha kane ka jaka ym sa sam sha ki paidbah katei ka thain lyngba ka skhim Meghalaya State Aquaculture Mission. Ha ka jingkren jong u myntri ka sorkar u la ai ka jingiaroh ia ka tand ri dohkha kaba la lah ban sdang ia kane ka jaka pynkha dohkha ha Garo Hills.
Na ka liang jong u myntri u la ong ba kane ka skhim ri dohkha ka long kaba kongsan ha ka ban kyntiew ia ka ioh ka kot jong ki paidbah, hynrei na ka liang jong u myntri u la kren bynniaw ruh ia ka jingdon bun ki jingiakhih ha garo Hills kaba la ktah ia ka ioh ka kot jong ki paidbah.
Ha ka jingkren jong ka Director ka tand Ri Dohkha ka la ong ba kane ka dien ka jaka pynkha kharit kaba ar ha ka jylla Meghalaya, kum kane ka don la kawei ha khasi Hill bad mynta kane ka don ha Tura ka sorkar haduh mynta ka don tang ar tylli ki jaka pynkha dohkha. La ong ba da ka jingiarap jong ka sorkar ki paidbah ki lah ban sdang ia la ki jong ki jong ki jaka pynkha dohkha. Ha kane ka sngi la don ruh kiwei kiwei ki heh sorkar ban ia shakhi lang.(SP News)
