Plie u myntri rangbah ka jylla f Meghalaya ia ka ing bishar District & Sessions Judge ha Tura

TURA, Nailar 10: Mynta ka sngi u myntri rangbah ka jylla u Dr Mukul Sangma ha ka jingiadon long u Chief Justice ba shipor jong ka Meghalaya High Court u  Justice T Nandakumar Singh la plie ia ka iing bihsar District Session Judge ha Tura bad ha kane ka juh ka sngi la buh ia u Mawnongrim jong ka iing bihsar. Ha ka jingiadon lang u Justice S R Sen bad kiwei kiwei ki heh sorkar.

Ha ka jingkren jong u myntri rangbah ka jylla u Dr Sangma u la ong ba ka long kaba don kam ban pyniakhlad noh ia ka tand bihsar bad ia ka tnad trei kam jong ka sorkar khnang ba ka jingnihsar kan long kaba iaid beit. Da ka jingdon kane ka iing bihsar kan iarap shibun ha kaba pynsted ia ki kam mukotduma.

Kumba ka long mynta u Myntri rangbah ka jylla  u la kubur ba ka don ka jingduna briew ha ka tnad pulit na ka daw ba ki hap ban peit ia ka shong suk shongsain ha ka jylla. Ha ka juh ka por u myntri rangbah u la kyntu ia ki paidbah ba kin ia trei lang khang ba ka sorkar kan lah ban pynbiang ia ki jingdon kam kane ka iing bishar.

Ha ka jingkren jongu nongbihsar justice  T Nandakumar Singh u la ban bun ba ha ka jingshim bihsar dei ban sngewthuh ia ki riti ki dustur jong ki briew kato ka jaka ha kaba ai ia kano kano ka rai. Da kane ka jingpyniakhlad ia ka jingbishar na ka jingtrei kam kum ki ophisar kan iarap shibun ban pynsted ia ki mukotduma la ong u nongbihsar.

Kiwei kiba la kren ki long u Justice S R Sen, Secretary, ka tand ain u  L M Sangma u  Deputy Commissioner jong ka West Garo Hills u  Ambrose Ch Marak. U Bah E Kharmumnuid u ban long u District & Sessions Judge, Tura lem bad kiwei ki kynrem kilyndang.(SP News)