Shillong, Rymphang 04: Ki shipai suin jong ka Ri India kila pyndon kam da ki helicopter ban theh um ha ka khlaw ha ka jylla Nagaland na ka daw jong ka jingpluh ding ia kaba la shitom ban pynlip da ki kali synreit um.
Kane ka jingpluh kane ka khlaw ka dei ha u lum Japfu hapoh jong ka Kohima District jong ka jylla Nagaland. Kine ki helicopter MI 17 V5 Helicopters kiba don ia kit air pynlip ding la ai bor ia ki ba kin leh ia kane ka kam. Kane ka long ka sien kaba nyngkong ba la pyndon kam ia kine ki helicopter ha ka khana param jong ka kynhun shipai suin.
Kane ka jingiatreilang hapdeng ki shipai suin bad ki bor sorkar ka jylla Nagaland ban pynlip ia kane ka dieng kaba la klang bad kaba la bam duh ia ki syntiew ki skud ha utei u lum ka dang iaid sha phrang kumba ka long ki shiapi suin ki la leit ban synreit um haduh san sien mynta ka sngi.
Ka jingheh jong kane ka khlaw kaba la pluh ka long kumba 45 km sawdong bad kane ka ding kala sdang ban klang naduh ka ar tarik bad ka jingkhot na ka sorkar jylla ban wan iarap ka la long ha ka 3 tarik bad mynta ka sngi ki shipai suin kila sdang ia kane ka kam naduh ka por hynriew baje mynstep.(SP News)
