Poi ki nongtrei sorkar sha ki ophis tang 25% ha ka jylla baroh kawei

Shillong, Nailur 2: U principal Secretary home u  K S Kropha u la ong ba kat kum ka jingkhien kaba la ioh da ka sorkar ka long ba baroh kiba la poi sha ki jaka trei ha kane ka sngi pakhang shnong kaba la khot da ki seng bhalang ka la poi tang 25%.

U tei u heh sorkar u la ong ba hapoh secretariat kiba la poi sha jingtrei ki long tang 16%, ha ki Directorate ki long tang 11.32%  bad ha ki ophis jong ki Deputy Commissioner ha ka jylla baroh kawei ka long tang 49% bad haba shim ia ka jingpoi ki nongtrei ha ka jylla baroh kawei ka long tang 25%.

Na ka liang jong u Principal Secretary u la ong ba ka jinglong jingman ha ka jylla baroh kawei ha kane ka sngi pakhang shnong ka la iaid beit khlem da don kano kano ka jingjia kaba sngewsih lait noh ka jingsha kawang mow jong ki lai tylli ki kali kawei ka kali jong u Dr Syiem, ka wei jong u ADM bad ka wei jong u commissioner secretary home.

Baroh ki kali kiba la shah pynjot ha kine ki sngi ki la poi sha ka 8 tylli bad kine ki kynthup ia ki jong ka sorkar bad ki jong ki riew shimet. Na ka liang jong ka sorkar kan ialeh ban the la kam ban wanrah ia ka jingshong suk.(SP News)