Shillong July 26: Ka jingwan jong ki samla na kane ka dong shatei lam mih ngi jong ka Ri India sha ka jingpynrung kam shipai ha Madan Polo ka la kot sha ka 1300 ngut ha kaba ki br shipai kim shym la poi pyrkhat ba kin ia poi haduh katne.
Ha kane ka jingpynrung kam shipai ka la don ka jingiatrei lang ha ryngkat ki bor jong ka District Adminstration ha katei ka jaka ba kan don ka jingiaid beit iaid ryntih, ha kaba la pynbiang ia ki samla kiba wan kum ka umbam umdih bad ka sha ruh kum juh.
Na ka bynta ka jylla Meghalaya kan don ruh ka jingai jinghikai kaba kyrpang ia ki samla ba kumno kin ioh ban ia khun ia ka exmin ka ban long lang ha ka 28 tarik mynta u bnai. Na ka liang jong ki shipai ki la shu beh ia kito ki briew kiba la wan da ki certificate ki bym thikna.
Ka jingiatreilang ha pdeng ki bor shipai bad ki bor sorkar ka la lah pynlong ia kane ka jigpynrungkam shikai kaba jai jia bad kaba iaid beit bad kane ka la saphirang ka khubor ba ki samla kae ka thain ki kwah ban rung ha ki kam shipai.
U Brig RV Singh, DDG Recruiting NE u ba dei peit ia kane ka thain u la pynpaw ia ka jingsngewhun ka jong u ban iohi ba ki samla kane ka thain ruh ki la don ia kane ka mynsiem ban don ha ka kam shipai jong ka Ri India, u la ai ka jingiaroh kaei kaba la leh da ka kynhun shipai na Narangi bad ia ki bor sorkar ka jylla Meghalaya ia u GOC jong ka 101, ia ka Assam Regimental Centre bad ia ka 58 Gorkha Training Centre. (SP News)
