Shillong, Iaong 10: Ka kyhun ialehkai Hockey jong ka jylla Meghalaya bad ka Manipur kila ioh rung sha ka Final jong ka 27th North East Games 2013 kaba long ha Khuman Lampak Main Stadium, Imphal.
Ka Meghalaya kala ioh rung sha ka phainal hadien ba kala pynliem ia ka Mizoram da 5-3 kol ha ka Semi Final ha kaba ki rang ialehkai ka Meghalaya kila ioh theo 3 kol ha ka kyllastep bad ka Mizoram kala ioh thep tang 1 kol, ha ka kylla miet ka Meghalaya bad ka Mizoram kila ioh thep mar 2 kol.
Ha kawei pat ka jingiakhun jong ka Semi Final ka Maniipur kala pynliem ia ka Tripura da 9 kol la 0. Ka Meghalaya ka dei ka lahduh ha ka Group B katba ka Manipur ka dei ka lahduh jong ka Group A ka jingiakhun kine ki artylli ki jylla ha ka Final kan long kaba itynnad bha.
Kumban shu pynkynmaw ka Meghalaya kala pynliem ia ka Tripura da12 la 1, ha ka jingiakhun pyrshah ia ka Assam, ka Meghalaya kala pynliem da 12 la 0.
Ka Manipur kala pynliem ia ka ka Mizoram da 9 la 2 kol bad ha ka jingiakhun pyrshah ia ka Nagaland ka Manipur kala pynliem da 16 – 0 kol.(SP News)
