Shillong, Rymphang 24: U Commissioner bad Secretary District Council Affair (DCA) u Bah Jopthiaw Lyngdoh u la iathuh bad katkum ka jingkhein kaba la ioh haduh ka por 7 baje mynta ka miet la ong ba ka jingpoi jong ki nongthep vote ha sha ka election MDC sha ka KHADC ka long 70 percent bad ha JHADC ka long tang 58 percent.
Haba kren ha ki nongthoh khubor mynta ka miet u la ong ba ia ka jingkhein kaba biang yn lah ban ai lashai ka sngi. Ka daw ka long ba ki dang don ki poling officer kiba khlem pat poi sha ki jaka ba la buh ba kin poi na ka daw ba ki hap ban iaid kjat da ki bun kynta.
La ong ba ha JHADC ki don khyndai tylli ki polling station ha kaba ki dang sdang ban mih haduh 7 baje bad kine ki dang don mynta ha lynti. La ong ba ka percentage ha JHADC ka lah ban dang tam ynda la poi lut baroh hynrei karei kaba ki ioh haduh ka por 7 baje mynmiet mynta ka sngi ka long 58 percent.
La iathuh ba ha ki 6 tylli ki polling station ha East Jiantia Hills ki nongthep vote ki la poi haduh 90 percent. Ka jingiathep vote ban jied ia ki nongmih khmat sha ka iing dorbar jong kitei ki ar tylli ki District council ka long kaba iaid beit khlem da don kano kano ka jingjia kaba sngewsih.(SP News)
