Khliehriat,kyllalyngkot,23 :ka surok Rymbai Bataw Borkhat Jhalalpur(RBBJ)road kaba dei u thied snam jong kane ka thain khappud ha ka liang ka roi ka par ban pynsuk ia ki nongnongshnong jong ki Shnong bapher bapher ha ki bynta kiba bunjait jong ka jingdonkam jong ki khamtam eh ha ka liang ka pang ka shitom.
khyndiat halor ka ne surok ki paidbah jong ka thain kim lah ban khlem da pynpaw ka jingsngew nguh ia ka sorkar lyngba ka jingtrei shitom jong ki nongmihkhmat khamtam eh ia U bah Nehlang Lyngdoh uba long u MLA jong kane thain hakato ka por ha kaba la lah ban wanrah ia ka jingsiang rong ia ka ne ka surok ia ka ba ngi la suk ha ka leit ka wan jong ngi ki paidbah ym kum ha ki por ba la dep kiba ngi hap ban iaid da ki bun bun kynta ban poi sha iew Ladrymbai.
Te sngewsih ban iohi ba mynta ka jingmaramot ia ka ne ka surok ka long tang ka jingleh pyndep rukom namar ka jingmaramot ka long kaba stang bha ha kaba la sakhi sha kito ki bynta ba la dep maramot tang shitaiew hadien ka jingsniew ka lap biang.Hangne ka iahap dur bha bad ka jingong jong ki riew tymmen hyndai tuh tangba yn sa lap hi naba ladon ksai lypa nadien”. Ngim kwah ban im biang ha ki jingjynjar namar ba baroh shi katta ngi la im ha ka jingsuk la mih ka sur na ki paidbah jong kane ka thain.La kyrpad ban maramot khambha khnang ban long ka jing kyrkhu kaba khraw ia ngi ki paidbah sha kane ka thain.
Namarkata ka seng FKJGP-Bataw Unit hadien ba ka la iohsngew ia ka jingnam jingud jong ki paidbah halor ka rukom maramot pyndep rukom ia ka ne ka surok /na ka liang ka seng kaba trei na ka bynta ka bha ka miat jong ki paidbah ka seng lyngba kane ka kyrwoh khubor ka kyntu ia ka tnad PWD(Road) bad kumjuh ruh ia u bah Justin Dkhar MLA jong kane thain ban shimkhia ban peit lem ha kaban kyntu ban maramot bha ka ne ka surok ym ban long ha kane ka dur kaba long tang ka jingpynkmen ia ki Shnong kiba don sha kane ka thain.
Kumta ka seng ka ong hadien ba la pynmih ia kane ka khubor lada kane ka tnad kam maramot ha kadur kaba biang na ka liang ka Unit ryngkat bad kajingiatreilang bad ki bor kiba ha khlieh jong ka Unit bad khamtam eh bad ki paidbah jongkane ka thain kam banse ban leit sha kibor kiba dei ban peit ban dawa ban maramot ha ka rukom kaba dei khnang ban long ka jingmyntoi ia u paidbah jong kane ka thain.
Kumban shu pynkynmaw ba ha ka 27 bad 28 tarik mynta u bnai kan don ka jingkhot pakhang surok miet jong ki sengbhalang jong ka Ri Lum Jaintia kiba kynthup ia ka FKJGP-KC KSU-JHDU HNYF-EJZ AJYWO-CB tang na kadaw ka jingsniew palat jong kaa surok NH 44 naduh Mookyndur haduh Malidor halor ka nongrim ban dawa na ka sorkar jylla ban pynbha pynmiat kloi kloi ia ka ne ka surok kaba dei u budlum jong karoi ka par jong ka imlang sahlang.
Kyntang iawai na ka liang ka Unit ka kyrpad ka khot kawer ia ki paidbah ban iasnoh kti lang ha kane ka pakhang surok miet kum shibynta ban ai jingsneng ia kane ka sorkar ka bym iohi tang ia ki mat kiba kongsan tam kiba ki paidbah ki shem jingeh la pynkut ka kyrwoh khubor na ka seng lyngba u President bad General Secretary jong ka Seng U Bah Deihok Sumer bad U Bah Ampli Rupsi.(S P news)
